“लोकांना अर्थपूर्ण आणि समृद्ध जीवन जगण्यास सक्षम करणे” या एकमेव ध्यासाने लक्ष्यवेध इन्स्टिट्यूट कार्यरत आहे.
लक्ष्यवेधचे उद्दिष्ट आहे की, महाराष्ट्र राज्याची आर्थिक भरभराट व्हावी आणि महाराष्ट्रातील लघुउद्योजकांनी त्यामध्ये सिंहाचा वाटा उचलावा. जेणेकरून देशाच्या उन्नतीमध्ये सुद्धा मोठ्या प्रमाणात हातभार लागेल. महाराष्ट्रीय उद्योजकांची ओळख जगाच्या पाठीवर ‘तत्त्वनिष्ठ’ आणि ‘उत्कृष्ट’ उद्योजक अशी व्हावी, असा लक्ष्यवेधचा मानस आहे. आणि म्हणूनच महाराष्ट्रीय उद्योजकांना अर्थपूर्ण आणि समृद्ध जीवन जगण्यासाठी मार्गदर्शक दीपस्तंभ बनून लक्ष्यवेध इन्स्टिट्यूट अविरतपणे कार्यरत आहे. वर्ष २०३२ पर्यंत ₹१०० कोटी एवढी वार्षिक आर्थिक उलाढाल करणारे १०० व्यवसाय उभारण्यात योगदान करण्याची लक्ष्यवेध इन्स्टिट्यूटची महत्वाकांक्षा आहे. हे ध्येय साध्य करण्यासाठी लक्ष्यवेधची टीम उत्साहाने आणि वचनबद्धतेने कार्यरत आहे.
वर्ष २०२० पर्यंत प्रत्यक्ष स्वरूपात शेकडो प्रशिक्षणक्रम आणि कार्यशाळा यशस्वीपणे आयोजित केल्यानंतर लक्ष्यवेध इन्स्टिट्यूट डिजिटल माध्यमातून महाराष्ट्रातल्या कानाकोपऱ्यातील उद्योजकांपर्यंत पोहोचत आहे. महाराष्ट्रातील प्रत्येक जिल्ह्यात, तालुक्यात महाराष्ट्रीय उद्योजक निर्माण व्हावे, यासाठी हा अभिनव उपक्रम.
लक्ष्यवेध टीमतर्फे लक्ष्यवेधी परिवारामध्ये आम्ही आपले सहर्ष स्वागत करतो!