लक्ष्यवेध इन्स्टिट्यूटचा असा ठाम विश्वास आहे की, प्रत्येक व्यक्तीला परिपूर्ण जीवन जगण्याचा अधिकार आहे. परिपूर्ण जीवन जगणे म्हणजेच ‘अर्थपूर्ण’ आणि ‘समृद्ध’ जीवन जगणे. एखादी व्यक्ती ‘अर्थपूर्ण जीवन’ जगते जेव्हा त्या व्यक्तीला आपल्या जगण्यामागील खरे कारण सापडते आणि त्यातून तिला आंतरिक आनंद मिळतो. त्याचप्रमाणे जेव्हा व्यक्तीच्या बाह्य महत्त्वाकांक्षा साध्य होतात ‘समृद्ध जीवन’ तेव्हा ती समृद्ध जीवन जगू लागते. म्हणूनच अर्थपूर्ण जीवन म्हणजे आंतरिक आनंद आणि समृद्ध जीवन म्हणजे बाह्य यश असे आपण म्हणू शकतो. सतत परिवर्तित होणाऱ्या आजच्या या खवळलेल्या तसेच प्रागतिक युगात, आपल्या आंतरिक आनंदाशी तडजोड न करता आणि आपल्या दुर्दम्य महत्वाकांक्षाचा सातत्याने मागोवा घेणे म्हणजेच अर्थपूर्ण आणि समृद्ध जीवन, ज्याला आम्ही लक्ष्यवेधी जीवन म्हणतो.

परंतु आपली औपचारिक शिक्षण पद्धती आणि सामाजिक जडणघडणीद्वारे आपल्याला अर्थपूर्ण आणि समृद्ध जगणे शिकवले जात नाही. आपल्याला नकळतपणे तडजोड करून जीवन जगण्यास प्रवृत्त केलं जातं. याचा दूरगामी परिणाम असा की आपल्या समाजाची प्रगती होत नाही आहे.

लक्ष्यवेध ही परिस्थिती बदलून महत्वपूर्ण परिवर्तन घडवून आणण्यासाठी वचनबद्ध आहे. लक्ष्यवेधचे अस्तित्वात असण्यामागाचे प्राथमिक कारण आहे, लक्ष्यवेध इन्स्टिट्यूटचा पायाभूत उद्देश तो म्हणजे, ‘लोकांना अर्थपूर्ण आणि समृद्ध जीवन जगण्यास सक्षम करणे!’

आम्ही जे करतो ते आमच्या या पायाभूत उद्देशाशी संलग्न आहे. आमचा पायाभूत उद्देश हा आमच्यासाठी एका दिशादर्शक दिपस्तंभासरखा आहे, जो आम्हाला सदैव मार्गदर्शन करतो. लक्ष्यवेधमध्ये आम्ही आमच्या पायाभूत उद्देशाला अनुसरून आमचे जीवन जगण्यासाठी प्रेरित आहोत, ज्यामुळे आमचे जीवन अधिक अर्थपूर्ण आणि समृद्ध बनते.